बलात्कार आरोपमा रास्वपाका गाउँ सभापति पक्राउ
काठमाडौँ । सोलुखुम्बुको लिखुपिके गाउँपालिकाका राष्ट्रिय स्वतन्त्र पार्टीका सभापति बलात्कार आरोपमा पक्राउ परेका छन्।
लिखुपिके गाउँपालिका २ का बासिन्दा समेत रहेका रास्वपा गाउँ सभापति रामचन्द्र बस्नेतलाई प्रहरीले काठमाडौँको वनस्थलीबाट पक्राउ गरेको हो।
बलात्कारको आरोप लागेपछि फरार उनलाई प्रहरीले सोमबार पक्राउ गरेको सोलुखुम्बु प्रहरीले जनाएको छ। प्रहरीका अनुसार बस्नेतमाथि फरक क्षमताकी महिलालाई बलात्कार गरेको आरोप छ।
२०८१ साल साउन ६ गतेको उक्त घटनापछि उनी फरार थिए।
घटनाको वर्षदिन भन्दा बढी समय बितेपछि पक्राउ परेका उनलाई काठमाडौँबाट सोलु पुर्याएर बुधबार सात दिनका लागि अदालतबाट म्याद थपिएको छ।
0 Comments