विद्यालयका नाबालिगसँग यौन सम्बन्ध राखेको अभियोगमा शिक्षिका पक्राउ

क्यालिफोर्नियाको एक उच्च विद्यालयका शिक्षिकालाई एक विद्यार्थीसँग यौन सम्बन्ध राखेको आरोपमा गिरफ्तार गरिएको छ । जुन काण्ड उक्त विद्यालयमा पहिले पनि भइसकेको एक अन्य शिक्षिकाको मामलासँग मिल्दोजुल्दो छ। रिभरब्याङ्क पुलिसको अनुसार, २८ वर्षीया डल्स फ्लोरेसलाई मङ्गलबार गिरफ्तार गरिएको हो । जसले २०२३ मा रिभरब्याङ्क उच्च विद्यालयमा एक १७ वर्षीय विद्यार्थीसँग अनुचित सम्बन्ध कायम गरेकी थिइन्।

स्पेनिश भाषा शिक्षिका फ्लोरेसले २०१६ देखि यस विद्यालयमा काम गरिरहेकी थिइन्। उनको लिंक्डइन अनुसार, उनी एक कस्मेटिक्स कम्पनीमा ब्यूटी एड्भाइजरको रूपमा पनि काम गरिरहेकी थिइन्। पुलिसले एक बयानमा भनेको छ कि विद्यालयका एक अधिकारीले यो सम्बन्धको जानकारी पाएपछि जाँच सुरु भएको हो।

पुलिसका अनुसार, फ्लोरेसलाई उनको घरबाट गिरफ्तार गरिएको हो । एक नाबालिगसँग अवैध यौन सम्बन्ध राख्ने एक मुद्दा लगाइएको छ। विद्यालय जिल्लाले पहिले नै द मोडेस्टो बीलाई भनेको थियो कि यदि आवश्यक भएमा उनीहरू जाँचकर्ताहरूसँग सहयोग गर्नेछन् । जाँच चलिरहेको बेलामा फ्लोरेसलाई बिदामा राखिएको छ।

जिल्लाले यो पनि बताएको छ कि उनीहरूले फ्लोरेसको कक्षामा भर्ना भएका अभिभावक र विद्यार्थीहरूसँग यस शैक्षिक वर्षको बाँकी समयमा तिनीहरूको शिक्षामा कुनै बाधा नपर्ने गरी कुराकानी गर्नेछन्। अधीक्षक कन्स्टान्टियो एगुइलरले एक बयानमा भने, हाम्रो जिल्लाको लागि यस्तो स्थिति सामना गर्नु साँच्चै दुर्भाग्यपूर्ण छ। हामी कानून प्रवर्तनसँग काम गर्दै गइरहेका छौं, साथै जिल्लाले यो मामलालाई स्वतन्त्र रूपमा सम्बोधन गर्नका लागि उपलब्ध विकल्पहरू निर्धारण गर्नेछ ।